Audífonos
Aviso:
Para permitir a compatibilidade dos audiófonos, cómpre desactivar a conectividade
Bluetooth.
O modelo de dispositivo móbil cumpre coas normativas da FCC que regulan a
compatibilidade de audiófonos. Estas normativas requiren o uso dun micrófono M3 ou
superior. O valor M, amosado na caixa do dispositivo, refírese ás emisións de radio
frecuencia (RF) inferiores. Un valor M superior normalmente indica que un modelo de
dispositivo ten un nivel de emisións RF inferior, o cal pode mellorar a probabilidade de
que o dispositivo funcione con determinados audiófonos. Algúns audiófonos son máis
inmunes que outros ás interferencias. Póñase en contacto co seu otorrinolaringólogo
para determinar a clasificación M do seu audiófono e se pode funcionar con este
dispositivo. Se desexa atopar máis información acerca da accesibilidade, visite a páxina
web www.nokiaaccessibility.com.
Este dispositivo foi probado e valorado para o uso con audiófonos con algunhas das
tecnoloxías sen fíos que utiliza. Non obstante, é posible que haxa novas tecnoloxías sen
fíos empregadas neste dispositivo que aínda non fosen probadas para ser usadas con
audiófonos. É importante probar minuciosamente as diferentes funcións deste
dispositivo e facelo en diferentes situacións, usando o seu audiófono ou implante coclear
para determinar se percibe interferencias. Consulte co seu fornecedor de servizos a súa
política de devolución e cambio e solicítelle información sobre a compatibilidade de
audiófonos.