Rafhlaðan hlaðin
Rafhlaðan kemur hlaðin að hluta til frá framleiðanda. Engin
þörf er á að hlaða tækið fyrirfram. Ef tækið sýnir að rafhlaðan
sé að tæmast skaltu gera eftirfarandi:
Venjuleg hleðsla
1 Stingdu hleðslutækinu í samband í innstungu.
2 Tengdu hleðslutækið við tækið. Stöðuljósið næst USB-
tenginu lýsir á meðan rafhlaðan hleður sig.
3 Þegar tækið sýnir að rafhlaðan sé fullhlaðin skaltu taka
hleðslutækið úr sambandi við tækið og síðan úr
innstungunni.
Ekki þarf að hlaða rafhlöðuna í tiltekinn tíma og hægt er að
nota tækið á meðan það er í hleðslu. Ef rafhlaðan er alveg
tóm geta liðið nokkrar mínútur þar til hleðsluvísirinn birtist
á skjánum eða þar til hægt er að hringja.
Ábending: Taka skal hleðslutækið úr sambandi við
rafmagnsinnstungu þegar það er ekki í notkun. Hleðslutæki
sem er í sambandi við innstungu eyðir rafmagni þótt það sé
ekki tengt við tækið.
USB-hleðsla
Hægt er að nota USB-hleðslu ef rafmagnsinnstunga er ekki til
staðar. Með USB-hleðslu er einnig hægt að flytja gögn á
meðan tækið er hlaðið.
1 Tengdu samhæft USB-tæki við tækið þitt með samhæfri
USB-snúru.
Það fer eftir tækinu sem notað er til hleðslu hve langur
tími líður þar til hleðslan hefst.
2 Ef kveikt er á tækinu er hægt að velja úr tiltækum USB-
stillingum á skjá tækisins.
Til athugunar: Við lengri aðgerðir eða hleðslu getur tækið
eða hleðslutækið hitnað. Það er í flestum tilvikum eðlilegt. Ef
þú telur tækið eða hleðslutækið ekki vinna rétt skaltu fara
með það til næsta viðurkennda þjónustuaðila.